İnsanları kompüterlər idarə edəcək? | AÇIQLAMA

Bir müddət əvvəl sosial şəbəkələrdə insanların beyinlərinə çip yerləşdiriləcəyi ilə bağlı məlumatlar yayılırdı.

O zaman bu, inandırıcı görünməsə də, İlon Maskın şirkətinin ilk dəfə insan beyninə çip yerləşdirməsi ilə mövzu yenidən aktuallaşıb. “Telepatiya” adlandırılan çip düşüncə gücü ilə telefonu və kompüteri idarə etməyə imkan verəcək. Onun ilk istifadəçiləri isə əlilliyi olan insanlar olacaq.

Bəs görəsən, bu nailiyyət insanların beyninə çip yerləşdirilməsi texnologiyasının başlanğıcı sayıla bilərmi? Yəni insanların şüuruna beyindəki çip vasitəsilə təsir göstərmək, hətta onları idarə etmək mümkün olacaqmı?