Smartfon istifadəçilərinin canına qorxu salan qeyri-adi proqram ifşa olundu

“Google” şirkətinin smartfonlarda quraşdırdığı elə proqram var ki, istifadəçilərin şəxsi məlumatlarına giriş əldə edir.

Söhbət istifadəçilərin xəbəri olmadan telefonlara quraşdırılan “Android System SafetyCore”dan gedir.

“Android” sahibləri son yenilənmədən sonra onların cihazlarında “Android System SafetyCore” adlı qəribə proqramın quraşdırıldığını görüblər. Tətbiqin onların xəbəri olmadan quraşdırılması istifadəçiləri təşvişə salıb.

Artan çaxnaşmanı yatırmaq üçün “Google” bir şərh verib. Məlum olub ki, “Android System SafetyCore” istifadəçinin yazışmalarına casusluq etmək məqsədilə deyil, insanları 18+ məzmundan qorumaq üçün istifadəçinin cihazında saxlanılan fotoşəkilləri skan edən süni intellekt proqramıdır.

Beləliklə, süni intellekt “Google Messages” yazışmalarınızı skan və göndərilən bütün 18+ şəklinizi qeyd edir. “Google” bunu uşaq təhlükəsizliyi tədbiri kimi təqdim edir və proqramın heç vaxt telefonunuzdan öz serverlərinə şəkillər göndərməyəcəyinə əmindir. Lakin rəsmi izahat vəziyyəti sakitləşdirməyib, daha da pisləşdirib.

Telefonlarda süni intellektin işləməsi o deməkdir ki, bu, ən azı smartfonun resurslarını sərf edir, batareya şarjını daha pis saxlayır. Potensial məlumat sızmasının mümkünlüyünü də qeyd etmək lazımdır.

Xoşbəxtlikdən yaxşı xəbər də var. Tətbiq “Play Market” vasitəsilə yayıldığı üçün onu istənilən vaxt silmək mümkündür. Bunu etmək üçün smartfon parametrlərini açın, “Proqramlar” bölməsinə keçin və siyahıda “Android System SafetyCore”u tapıb silin.