Süni intellektlə çalışan robotlar işləri daha da asanlaşdıracaq

“UBTECH Robotics” şirkətinin təqdim etdiyi robotlar tutma, saxlama imkanlarına malikdir.

Mühəndislər bildiriblər ki, sənaye müəssisələrində, xidmət sektorunda və məişətdə istifadə üçün həllər üzərində işləyərkən bu robotu yaradıblar.

Şirkətin istehlakçıları üçün xidmət sektoru robotları xüsusi marağa səbəb olub. Hovuz təmizləyici robotlar, ev heyvanları üçün robotlar bu qəbildən olan yeniliklərdəndir.

“UBTECH Robotics” ölkələrin texniki tələbləri və standartlarına uyğun məhsullar hazırlayır ki, onlar asanlıqla bazarda satılsın. Məsələn, Yaponiyada hotellərdən bəziləri təmizlik robotların xidmətlərindən istifadə edir. Robot istehsalçıları hotel rəhbərlərinə məsləhətlər verir, hotelin müştəriləri ilə əlaqə saxlayır və öz məhsulları barədə fikirləri öyrənirlər.

Məişət texnikası istiqamətində yeniliklərə gəldikdə isə insanabənzər robot daha çox diqqət çəkib. O, əl sıxa, idman hərəkətləri edə və şəkil çəkdirə bilir.

İstehsalçı “UBTECH Robotics” bildirib ki, robot xüsusi texnologiyaları özündə birləşdirir. Robototexnika ilə süni intellektin birləşməsi robotların real həyatda tətbiqini daha mükəmməl edir.

Nümayiş edilən insanabənzər robotlarla yanaşı, yeni ağıllı qurğular, pilotsuz ağıllı süpürgəçilər və ağıllı mobil dezinfeksiya robotları kimi bir çox yüksək texnologiyalı məhsullar da xidmət sektorunun əvəzolunmaz hissəsinə çevriləcək.