Qayda pozan sürücü qəza törətdi, 2 nəfər yaralandı

Hadisə
18 Jul 2019, 05:04
11.9k

Nərimanov rayonunda 2 avtomobil toqquşub, 2 nəfər yaralanıb.

Hadisə metronun "Gənclik" stansiyasının yaxınlığında baş verib. F.Xoyski küçəsilə hərəkətdə olan 27 yaşlı Rəhimov Kənan Zöhrab oğlu idarə etdiyi "Peugeot" markalı minik avtomobili yol-hərəkəti qaydasını pozaraq əks yola çıxıb. Nəticədə o, "Niva" ilə toqquşub.

Qəza zamanı K.Rəhimov və "Niva"-nın adı hələlik məlum olmayan sürücüsü ağır yaralanıb.

Hər iki yaralı dərhal xəstəxanaya çatdırılıb. "Niva"-nın sürücünün vəziyyəti ağır olduğundan o, təcili olaraq reanimasiyaya yerləşdirilib.

Əraziyə Nərimanov Rayon Yol Patrul Xidmətinin əməkdaşları cəlb olunub. YPX əməkdaşları başqa hadisənin baş verməməsi üçün tədbir görüb.

Faktla bağlı araşdırma aparılır.

 

Kamil Əmirli

Elşad Mətləboğlu

ŞƏRH YAZ