100 il yaşamaq üçün nə etmək lazımdır? | Uzunömürlülüyün sirri

100 il yaşamaq üçün nə etmək lazımdır?

Yetkinlik dövründə aşağı səviyyədə qlükoza, kreatinin və sidik turşusu 100 yaşa qədər yaşamaq şansını əhəmiyyətli dərəcədə artırır.

Tədqiqat 35 il ərzində izlənilən 64-99 yaş arası 44 min isveçli haqqında məlumatları əhatə edib. Siyahıdakı 1224 nəfər 100 yaşa qədər yaşayıb. Maraqlıdır ki, 100 yaşı olanların əksəriyyəti, yəni 85%-i qadınlar olub.

Alimlər iltihab, maddələr mübadiləsi, qaraciyər və böyrək funksiyası, həmçinin qidalanma vəziyyəti və anemiya ilə əlaqəli 12 biomarkeri təhlil ediblər.

Məlum olub ki, 100 yaşa qədər yaşayan insanlarda 60 yaşından etibarən davamlı olaraq qlükoza, kreatinin və sidik turşusu aşağı səviyyədə olub.

Sidik turşusu yüksək olan insanlar uzunömürlülük üçün ən aşağı şansa sahib idilər. Onlardan yalnız 1,5% -i 100 ilə qədər yaşayıb.

Tədqiqatın müəllifləri vurğulayırlar ki, göstəricilərdə nisbətən kiçik fərqlərə baxmayaraq, metabolik vəziyyət, qidalanma və uzunömürlülük arasında əlaqə aydın görünür.