11 ildir tikilən yaşayış binası niyə söküldü? - “Bunu deyən kimi qaçdılar”
Səkkiz ailə Xətai rayonu, Kazımağa Kərimov küçəsindən 2014-cü ildə müqavilə əsasında mənzil alır. Ancaq bina sakinlər köçürülmədən 2025-ci ilin fevral ayında sökülür. Səbəb kimi isə binanın qəzalı vəziyyətdə olduğu deyilir.
“Sahibkar Saday Əhmədovun qızı mənə zəng edib dedi ki, gəl, pulunu götür, çıxarışı ləğv edək. Dedim ki, 2014-cü ilin pulu ilə hazırkı eyni deyil, düz gəlmir, razı deyiləm. “Evi sökdürəcəyəm” dedi, sökdürdü də”, − şikayətçi deyib.
Məsələ ilə bağlı Fövqəladə Hallar Nazirliyindən bildirilib ki, qeyd edilən ünvanda tamamlama işləri səviyyəsində olan 2 girişli, 3 mərtəbəli binanın texniki vəziyyətinin qiymətləndirilməsi mövcud qanunvericiliyin tələblərinə uyğun olaraq yerli icra hakimiyyəti orqanının müraciəti əsasında FHN-in Tikintidə Təhlükəsizliyə Nəzarət Dövlət Agentliyi “Azkommunlayihə” Kommunal Layihələndirmə İnstitutu tərəfindən 2025-ci ilin yanvar ayında həyata keçirilib və müraciət edən quruma binanın qəzalı olması barədə müvafiq rəy verilib.
Xətai Rayon İcra Hakimiyyətindən isə qeyd edilib ki, söküntüdən sonra həmin ərazidə yeni bina tikiləcək və vətəndaşlar mənzillərlə təmin ediləcək.
#Xətai rayonu teqi istifadə olunub
- “Ölüm olmalıdır ki...” | MTK ilə sahibkar arasında 200 minlik qalmaqal - Baku TV
- Bakıda su kollektoru partladı, evin altı çökdü - 24 SAAT
- Bakıda su kollektoru partladı, evin altı çökdü | Sakinlər təşviş içində - Baku TV
- Bakıda çoxmənzilli yaşayış binasında yanğın baş verib | "6-cı mərtəbədə iki uşaq qalıb" - Baku TV
- Əkiz körpələr nədən öldü? | Faciənin yaranma səbəbləri nədir? - Baku TV
