Cəmiyyət
Pleyeri seçin:
1500 illik məbəd baxımsız qalıb
İnşa tarixi V-IX əsrlərə aid edilən bu tarixi abidə erkən xristian məbədlərindən olub, düzbucaqlı formalı, zəng qülləsi olmayan, tək girişli məbəddir.
Tikilinin eni 5, uzunluğu isə 7 metrdir, 3 kiçik pəncərəsi var. Pəncərələr çöldən çox dar, içəridən isə nisbətən genişdir ki, bu da daxilinin işıqlanmasını təmin edib.
Məbəd ciddi erroziyaya uğrasa da, günümüzədək gəlib çatıb. Giriş qapısının yalnız bir hissəsinin görünməsi onun xeyli hissəsinin torpağın altında qaldığını göstərir.
Tarixçilər rayonun Gürcüstanla sərhədə yaxın, ucqar Poçtbinə kəndində yerləşən bu tikilinin erkən orta əsrlərə aid Alban məbədi olduğunu deyirlər.
Üzərindəki möhür, yaxud nişandaşı bilərəkdən və ya təsadüfən yoxa çıxmış olsa da, üslub və digər tarixi qaynaqlardan məbədin dəqiq yaşını təyin etmək mümkündür. İndiyədək gözdən uzaq qalan bu tikilinin hazırda ciddi tədqiqata və mühafizəyə ehtiyacı var.
Kopyalandı
Seçilmişlər
