2 ildir suya həsrət qalan Lökbatan sakinlərinin etirazı

Qaradağ rayonu, Lökbatan qəsəbəsinin sakinləri su problemindən əziyyət çəkirlər.

Qəsəbənin Keçid 15/95 ünvanında yerləşən 11, 13 və 15 nömrəli binaların sakinləri su üzünə həsrət qaldıqlarını bildiriblər.

“İki ildir bu problemi yaşayırıq. Üçüncü mərtəbəyədək su hərdən gəlir, amma yuxarı mərtəbələr susuz qalır. Aylarla su üzünə həsrətik. Aidiyyəti qurumlara dəfələrlə müraciət etsək də, problem həll olunmur”, – deyə bina sakinləri qeyd ediblər.