21 yaşında şəhadətə ucalan qəhrəman | "Qürur duyuram ki, Kənan kimi oğulun anasıyam" - Baku TV

Oğuz rayonunun Xalxal kəndində dünyaya göz açan Kənan Ağayev uşaqlıqdan vətənpərvər ruhda böyüyüb. Vətən torpağını bütün dəyərlərdən üstün tutub. Arzuları onu ən yüksək məqama – şəhidlik zirvəsinə ucaldıb.

Antiterror tədbirləri zamanı qəhrəmancasına şəhid olan Kənan bu gün təkcə doğmalarının deyil, bütün el-obanın qürur mənbəyidir.

“Bu gün mənim üçün həm qürurludur, həm də kədərli. Kədərlidir ki, Kənan kimi oğlumuzu itirdik. Qürur da duyuram ki, onun kimi igidin anasıyam. Çox arzuları var idi. Hamısı öz ürəyində getdi. Kənanım Vətəni seçdi”, – şəhidin anası Raminə Ağayeva deyib.

“Onlara heç nə olmayıb. Ölən biz valideynlərik. Həmişə deyərdi ki, ata, bu torpaqları siz ala bilmədiniz, biz alacağıq. Həqiqətən də getdilər, suverenliyimizi bərpa etdilər”, – şəhidin atası Vahid Ağayev bildirib.