22 yaşlı şəhid Eşqin Hüseynov Tovuzda dəfn olundu

Eşqinin 22 yaşı yanvarda tamam olmuşdu. Özü də adı kimi vətən eşqi ilə yaşayan gənclərimizdən olub. 44 günlük müharibədə iştirak edən Eşqin Hüseynovun ən böyük arzusu da torpaqlarımızın azad edilməsi olub.

Qəhrəmanın doğulub boya-başa çatdığı Hunanlar kəndində hər kəs Eşqin Hüseynovla vidalaşmağa gəlmişdi. Böyük vətən sevgisini, qəhrəmanlığı 22 illik ömrünə sığdıra bilən şəhid Eşqin Hüseynov kənd qəbirstanlığında dəfn edildi.

Qeyd edək ki, hərbi qulluqçumuz Eşqin Hüseynov qeyri-qanuni erməni birləşmələrinin törətdikləri təxribat nəticəsində şəhid olub.