"28 May" stansiyasında sıxlıq : Eskalatorun hərəkəti dayandırıldı

“Üzü yuxarı hərəkət edən eskalatorun dayanmasının səbəbi sərnişin müdaxiləsi olub”.

Bununla bağlı "Bakı Metropoliteni" QSC məlumat yayıb. Məlumatda bildirilir ki, həmin müddətdə stansiyalarda gücləndirilmiş nəzarət mexanizmləri tətbiq edilib.

“Bu gün axşam "28 May" stansiyasında enişə işləyən eskalatorun dayandırılması zərurəti yaranıb. Əsas səbəb yuxarı doğru hərəkət edən eskalatorlardan birinin dayanması olub. Platforma səviyyəsində sıxlığın ifrat həddə çatmasının qarşısını almaq üçün metropolitendə təhlükəsizlik qaydalarının tələbinə uyğun olaraq, enişə işləyən eskalator da dayandırılıb”, - deyə məlumatda qeyd edilib.