“28 May”a girənlər cərimələnir | “Znak”ı elə yerdə qoyublar ki...

Nəqliyyat Əlaqələndirmə Şurasının qərarına əsasən, martın 12-dən metronun “28 May” stansiyasının qarşısındakı əraziyə şəxsi avtomobillərlə giriş qadağan edilib.

Bu gün səhər saatlarından ərazidə müvafiq nişanlar quraşdırılıb. Sözügedən əraziyə yalnız ictimai nəqliyyat vasitələrinin girişinə icazə var.

Bu qərar sakinlər və avtobus sürücülərini razı salsa da, şəxsi avtomobil sürücülərinin narazılığına səbəb olub.

“Həyətimə girdiyimə görə 80 manat cərimə gəlib. Evimə necə gedim bəs? Əvvəlcədən hər şeyi təyin etməli idilər ki, məlumatımız olsun. İndi əraziyə daxil olan bütün maşınları cərimə ediblər”, – deyə sürücü bildirib.