4 hərəkət hissəsini birdən tutub… | Taksi və avtobus sürücülərini üz-üzə qoyan məsələ
Sərnişinlərin mənzil başına tez və rahat çatmaları üçün paytaxtın bir çox küçə və prospektlərində avtobusların maneəsiz hərəkəti üçün zolaqlar çəkilib. Lakin avtobus sürücüləri onlardan istifadə etmirlər.
Sürücülər məsələ ilə bağlı bildiriblər ki, ağac budaqları, avtobus zolaqlarında qoyulan zibil qutuları avtobusların hərəkətinə mane olur: “Məcburuq ki, zolaqdan kənara çıxaq”
Taksi sürücüləri üçün nəzərdə tutulan dayanacaqlara da avtobus zolağı çəkən müvafiq qurum əslində həmin istiqamətdə demək olar ki, avtobus hərəkəti olmadığını nəzərə almayıb. Ekspertlər deyirlər ki, bu kimi hallar qəbulolunan deyil və problemin həlli zəruridir.
Məsələ ilə bağlı Azərbaycan Yerüstü Nəqliyyat Agentliyindən (AYNA) bildirilib ki, 28 May küçəsində zolaq çəkilsə də, hələ ki həmin ərazidə tamamlanma işləri aparılır və elə bu səbəbdən də taksi dayanacağı ləğv edilib.
Avtobusların zolaqdan çıxmasına gəlincə isə AYNA-nın açıqlaması belə olub:
“Manevretmə, geridönmə və müxtəlif maneələrlə rastlaşdığı təqdirdə avtobuslar onlar üçün ayrılmış zolaqdan kənara çıxmaq məcburiyyətində qalırlar. Bu kimi hallar olmadığı təqdirdə avtobuslar təşkil edilmiş zolaqla hərəkət etməlidirlər. Bununla bağlı daşıyıcılarla iş aparılır. Onlara sürücülərin sərnişindaşıma və yol hərəkəti qaydalarına riayət etmələri ilə bağlı maarifləndirici söhbətlərin aparılması tapşırığı verilir”.
#Avtobus zolaqları teqi istifadə olunub
- Bakı-Sumqayıt yolundakı vəziyyət sürücülərin narazılığına səbəb oldu | Ekspertlər rəy bildirdi
- Formula 1 zamanı Bakıda hərəkət qaydaları | Çaşmamaq üçün bunları bilin! - NECƏ OLMALIDIR?
- Avtobuslar niyə yolun ortasında dayanır? | Onlar üçün yol ayrılıb, amma... - NECƏ OLMALIDIR?
- Yollarda yaranan problemlər | Avtomobildən istifadə avtobusdan daha sərfəlidir?
- Bakının bu küçəsindəki avtobus zolağı ilə bağlı mühüm dəyişikliklər | Detallar açıqlandı
