Təbii kürü adı ilə görün nə satılır | "Ağızda partlayır, dadında hiss edirsən ki..."- Baku TV
Qida Təhlükəsizliyi Agentliyinin həyata keçirdiyi nəzarət tədbirləri zamanı ticarət və ictimai iaşə obyektlərində, o cümlədən şadlıq evlərində istehlakçılara təbii kürü adı altında süni kürü məhsullarının təqdim edildiyi aşkarlanıb.
Həmçinin müəyyən olunub ki, məhsullar etiketlənməyib, müşayiətedici sənədləri olmayıb və yararlılıq müddəti bitib.
Bu isə bir sual yaradır: saxta kürü nədir və onun insan sağlamlığı üçün hansı zərərləri var?
Qida eksperti Ağa Salamov bildirib ki, kürü növləri bir-birindən fərqlənir:
“Məsələn, alginatdan hazırlanan kürülər var. Bunlar təhlükəli hesab olunmur. Alginat dəniz yosunundan əldə edilən maddədir. Maye formasında olur və onun içinə damcı şəklində müxtəlif əlavələr, məsələn, şirələr əlavə etməklə kürü əldə etmək mümkündür. Bu məhsullar əsasən veqanlar üçün nəzərdə tutulur və ucuz sayılmır. Çünki alginatın özü kifayət qədər bahalı məhsuldur. Təbii kürünü ayırd etməyin yolları da var.
Təbii kürü ağızda asanlıqla partlayır və dəniz dadı hiss olunur. Jelatindən hazırlanan süni kürülər isə elastik olur, ağızda gec partlayır. Nəzərə almaq lazımdır ki, belə məhsulların tərkibində süni qida boyaları və konservantlar olur. Bu isə insan orqanizmində müxtəlif fəsadlara səbəb ola bilər”.
#Qida Təhlükəsizliyi Agentliyi teqi istifadə olunub
- 2025-ci ildə neçə min ton bitkiçilik məhsulu ixrac edilib? | AQTA sədri rəqəmləri açıqladı
- AQTA-nın sədri heyvanların identifikasiyasından danışdı
- "Uşaqlar yeyib zəhərləndilər" | Bu məktəblərin bufetlərində görün nələr aşkarlandı - Baku TV
- Çiyələklərə kimyəvi maddələr vurulur? | AQTA yayılan görüntülərlə bağlı açıqlama verdi - Baku TV
- 5 qadının aqibəti necə oldu? - Qorxunc hadisədən sonra restoran bağlandı - Baku TV
