“Bu haqsızlığa göz yuma bilmirik” | Şadlıq sarayı AQTA-nı ittiham etdi - Baku TV

Bakıdakı məşhur şadlıq saraylarından birində istehlakçılara təqdim olunan ətlərdə at DNT-si aşkarlanıb.

Bununla bağlı Qida Təhlükəsizliyi Agentliyi məlumat yayıb.

Söhbət paytaxtın Nizami rayonu, Mikayıl Əliyev küçəsində yerləşən “Alp Deluxe” şadlıq sarayından gedir.

Restoranın inzibatçısı Amil Quliyev iddiaların həqiqəti əks etdirmədiyini bildirib:

“Hazırda gündəlik toy məclisləri keçirilən restoranıq. Rəhbərlik də bu məsələdən narahatdır. Biz, ümumiyyətlə, mal ətindən istifadə etmirik. İstifadə etdiyimiz ətlər yalnız müəyyən yeməklərdə istifadə olunur. Xaşlama və bozartma təqdim etmirik. Menyumuzda əsasən yerli quzu ətindən istifadə olunur. Məhsulların hamısı göz qabağındadır, mətbəximiz açıqdır. Biz bu gün özümüzü haqsız ittihamlardan müdafiə etməyə çalışırıq. AQTA-nın heç bir əməkdaşı bura gəlməyib. Bizim üçün də maraqlıdır ki, gəlmədən, yoxlama aparmadan haqqımızda belə məlumat yayılır”.