Pleyeri seçin:
40 hektarlıq sahəmi dolu vurdu | Havaya görə çətinlikdə qalan fermerlər danışdı
Xəbərlərimizi Google-da izləyin
Yeniliklərdən dərhal xəbərdar olun
Son günlər ölkə ərazisində, o cümlədən şimal-qərb bölgəsində davam edən qeyri-sabit hava şəraiti taxılçılıq sahəsinə də mənfi təsir göstərib.
Güclü küləklə müşahidə olunan yağış inkişaf etməkdə olan taxıl sahəsini pis vəziyyətə salıb. Bu vəziyyət isə biçin zamanı məhsuldarlığın aşağı düşməsinə səbəb olacaq.
Fermer Mustafa Sadıqov narazılığını Baku TV ilə bölüşüb.
“Keçən il doluya görə taxılımız məhv oldu. Bu il də leysan yağışları taxıl sahəsinə ziyan vurub. 10 hektar taxıl əkmişəm, 10 min manat maya qoymuşam. Taxılçılıq sahəsində vəziyyət çox gərgindir, hamımız ziyana işləyirik. Sığortanı harada və necə edəcəyimizi bilmirik”, ‒ fermer söyləyib.
Məsələ ilə bağlı Aqrar Sığorta Fondundan bildirilib ki, əkin sahələrini aqrar sığorta vasitəsilə dolu, fırtına, qasırğa, sel suları, güclü leysan yağışları, donvurma kimi risklərdən qorumaq mümkündür:
“Fermerləri təsərrüfatlarını çoxsaylı risklərdən qorumaq üçün onları sığortalamağa çağırırıq. Sığorta haqqı olduqca azdır. Fermerlər maliyyə çətinliyi yaşamadan təsərrüfatlarını sığortalaya bilərlər”.
Kopyalandı
#Ləkit kəndi teqi istifadə olunub
Seçilmişlər
