"Maldarlıq, qoyunçuluqla məşğul olardım" | Hansı sahə daha gəlirlidir?
50 min manatadək vəsaitlə hansı sahədə biznes qurmaq olar?
Baku TV bu sualla paytaxt sakinlərinə müraciət edib.
Sakinlərdən biri bildirib ki, kənd təsərrüfatı sahəsində biznes qurmağa üstünlük verərdi: “Maldarlıq, qoyunçuluqla məşğul olardım”.
Başqa bir sakin isə belə deyib: “Kiçik bizneslə məşğul olardım. 50 minlə böyük biznesə başlamaq mümkün deyil”.
İqtisadçı Eldəniz Əmirov deyir ki, iqtisadiyyatda heç bir sahə investisiya etmək baxımından tam zəmanətli deyil. Bu baxımdan sərmayə qərarları iqtisadiyyatın sahələrinə görə deyil, risklərin az, orta və ya çox olmasına uyğun olaraq verilməlidir.
O hesab edir ki, orta riskli investisiya sahələrinə qızılı aid etmək olar. Ekspert fikrini qızılın xeyli müddətdir etibarlı maliyyə aktivi olması ilə əsaslandırıb.
İqtisadçı dövlət istiqrazlarını, bank depozitlərini, gümüş, platin kimi metalları isə aşağı riskli sərmayə aləti kimi dəyərləndirib. Bu sahələr üzrə gəlirlilik yüksək olmasa da, qoyulan vəsaitin itirilmə ehtimalı çox aşağıdır.
#İnvestisiya yatırımı teqi istifadə olunub
- Biznes mühiti ilə bağlı hansı işlər görülüb? - Baş nazirin müavinindən açıqlama
- Baş nazirin müavini Azərbaycan iqtisadiyyatının dayanıqlılığından danışdı
- ABŞ-də hansı sahələrə investisiya etmək olar?
- KOBİA rəsmisi ticarət və yükdaşımadan danışdı | Türk dövlətləri içərisində ən çox...
- SOCAR-ın prezidenti karbonsuzlaşdırma səyləri barədə nələri açıqladı?
