Abbasqulu ağa Bakıxanovun yaşadığı ev qəzalı vəziyyətdədir

Azərbaycan tarixində böyük iz buraxan görkəmli şəxsiyyət Abbasqulu ağa Bakıxanovun Əmircan qəsəbəsində yerləşən evi heç də onun ad-sanına layiq şəkildə saxlanılmayıb.

Gözdən uzaq, könüldən iraq qalan ev qəzalı vəziyyətdədir və hər an uça bilər. Bu isə yalnız tarixi bir binanın dağılması deyil, həm də ətrafdakı evlərə və sakinlərin həyatına birbaşa təhlükədir.

“Burada yaşamağa qorxuruq. Hər gün evdən çat səsləri gəlir. Dəfələrlə Mədəniyyət Nazirliyinə, əlaqədar qurumlara müraciət etmişik, amma bir nəticəsi olmayıb. Bərpa işləri görməyə, dəyişməyə qoymayıblar”, – ev sahibi Rəşad Mirzəyev deyib.

Tarixə qovuşan tarixi binanın vəziyyəti ilə bağlı Mədəniyyət Nazirliyindən bildirilib ki, sözügedən ev tarixi abidə kimi dövlət qeydiyyatında deyil. Yeni aşkar olunmuş abidə kimi qeydə alınıb və siyahıya daxil edilməsi nəzərdə tutulur. Qanunvericiliyə əsasən, şəxsi mülkiyyətdə olduğu üçün mülkiyyətçinin vəsaiti hesabına təmir-bərpa olunmalıdır.