Açıq-saçıq reklam çəkdirənlər cəzalanacaq | Sosial şəbəkələrdə davranış qaydaları sərtləşdirildi
Sosial şəbəkələrdə cəmiyyətə qarşı hörmətsizlik və qeyri-etik paylaşım edənlər cərimələnəcək.
Bu, Milli Məclisdə İnzibati Xətalar Məcəlləsinə təklif edilən dəyişiklikdə əksini tapıb.
Yeni qanun layihəsi sosial şəbəkələrdə davranış qaydalarının sərtləşdirilməsi və onlayn mühitdə mənəvi dəyərlərin qorunması məqsədi daşıyır.
Sosioloq Üzeyir Şəfiyev bildirib ki, bəzi istifadəçilər sosial şəbəkələrdə əxlaqsızlığı və yüngül həyat tərzini təbliğ edir ki, bu da cəmiyyətin haqlı narahatlığına səbəb olur:
“Sosial şəbəkələrdə filtr sistemləri tətbiq olunmalıdır ki, hüquqa və mənəviyyata zidd məzmunlar cəmiyyətə yansımasın”.
Vəkil Mircavid Miriyev isə qeyd edib ki, təklif olunan dəyişikliklərə əsasən, sosial şəbəkələrdə qeyri-etik sözlərdən, jarqon ifadələrdən, əxlaq normalarına zidd jest və görüntülərdən istifadə edən şəxslərə 500-1000 manat məbləğində cərimə tətbiq olunacaq.
Hüquqşünas əlavə edib ki, bəzi hallarda cərimə tədbirləri kifayət etmədiyi təqdirdə pozuntu törədən şəxs barəsində 30 günədək inzibati həbs də nəzərdə tutulur.
#Sosial şəbəkələr teqi istifadə olunub
- Sosial şəbəkələr və dopamin mexanizmi: asılılıq necə formalaşır? - AKTUAL GÜNDƏM
- Sosial şəbəkələr və videooyunlar: yeni dövrün səssiz təhlükəsi - AKTUAL GÜNDƏM
- Şagirdlərdən müəllimlərə qarşı qeyri-etik hərəkət | "Tərbiyələri düzgün olsaydı..." - Baku TV
- “Sosial şəbəkələr heç olmamalıdır” | Hansı profillərə qadağa qoyula bilər? - Baku TV
- Sosial şəbəkələrlə bağlı qadağalar niyə işə yaramır?
