Alimlərdən soğanla bağlı heyrətə gətirən kəşf | Detallar açıqlandı

Cənubi Koreya alimləri sensasiyalı kəşf ediblər: soğan güclü şiş əleyhinə təsirə malikdir.

Beynəlxalq Molekulyar Elmlər Jurnalında dərc edilən araşdırmaya görə, soğanın müntəzəm qəbulu beyin, döş, qaraciyər, ağciyər və mədədə bədxassəli şişlərin inkişaf riskini əhəmiyyətli dərəcədə azaldır.

Tədqiqatçılar müəyyən ediblər ki, bu bioaktiv komponentlər xərçəng hüceyrələrini məhv etməyə kömək edir, onların yayılmasının qarşısını alır və şişin böyüməsi üçün lazım olan yeni qan damarlarının meydana gəlməsinə mane olur.

Bundan əlavə, alimlər soğanın tərkibində olan beyin hüceyrələrini iltihabi proseslərdən qoruyan apigeninə diqqət yetiriblər. Bu antioksidant təkcə idrak funksiyasını yaxşılaşdırmır, həm də alzheimer xəstəliyi kimi neyrodegenerativ xəstəliklərin müalicəsinə müsbət təsir göstərir.

Alimlərin bu kəşfi xəstəliklərin qarşısının alınmasında ən əlçatan və effektiv vasitələrdən biri kimi soğanın gündəlik qida rasionuna daxil edilməsinin vacibliyini sübut edir.