AQTA-dan qida əlavəsi ilə bağlı açıqlama

Ölkə ərazisində 11 müxtəlif istehsalçıya məxsus eyni sayda çörəkdə uyğunsuzluqlar aşkarlanıb.

Bu barədə Azərbaycan Qida Təhlükəsizliyi Agentliyindən bildirilib.

Məlumata görə, cari dövr ərzində Agentlik tərəfindən çörək məmulatlarından 108 nümunə götürülərək Qida Təhlükəsizliyi İnstitutunun müxtəlif laboratoriyalarında müayinələrə cəlb olunub.

Nümunələrin sınaq nəticəsinə əsasən, 97 məhsul qida sahəsində normativ sənədlərin tələblərinə cavab verib. 11 müxtəlif istehsalçıya məxsus eyni sayda çörəkdə isə uyğunsuzluqların olduğu müəyyən edilib. Həmin müəssisələr barəsində qanunvericiliyə uyğun məsuliyyət tədbirləri görülüb, nöqsanların aradan qaldırılması ilə bağlı göstərişlər verilib.

O da bildirilib ki, agentlik tərəfindən çörək məhsullarının yoxlanılması zamanı media və sosial şəbəkə hesablarında qeyd olunan qida əlavəsi aşkarlanmayıb.