Axşam zibil atmaq olmaz? - Qəribə inancların səbəbləri

Axşam saatlarında zibil atmaq olmaz? Damdabacalar adlı şər ruhların qəzəbinə tuş gəlməkdən qorxursunuz?

Bu, Azərbaycan mifologiyasına aiddir. Atalarımız inanırdılar ki, ev sahibləri ona yemək qoymasalar, gecələr oyana və zibil qabını eşələyə bilər. Heç bir şey tapmasa, evdə fitnə-fəsad törədəcək, əşyaları sındırıb ətrafa atacaq, mebelləri cırıqlayacaq və s. problemlər yaradacaq.

Gün batdıqdan sonra evdən heç nə çıxarmaq olmaz kimi bir inanc var. Guya belə olanda xoşbəxtliyinizi, rifahınızı və sağlamlığınızı pis ruhlara verirsiniz, özünüzə bəla, yoxsulluq və xəstəlik gətirirsiniz.

Günün bu vaxtında başqa dünyadakı canlılar güc qazanır, ona görə də onlara müqavimət göstərmək çox çətindir. Onlar zibil vasitəsilə evdən xoşbəxtlik və rifahı apara bilərlər.

Deyilənə görə, şər ruhların axşam saatlarında zibil çıxaran adamın başına bəla gətirməsi ehtimalı var. O zaman bəxti gətirməyəcək, hər şey onun əlindən düşəcək və çox xəstə olacaq.

Qeyd edək ki, təkallahlı dinləri təmsil edən ilahiyyatçılar belə inancları Tanrıya şərik qoşmaq qədər günah sayır, elm adamları isə Azıxantrop dövründən qalma adətlərin XXI əsrdə qorunmasını cəhalət əlaməti kimi tənqid edirlər.