Ayaqlarını itirən qazi daha bir zirvəni fəth etdi
Vətən müharibəsində iki ayağını itirən qazi, Xüsusi Təyinatlı Qüvvələrin zabiti Polad Rzayev ümummilli lider Heydər Əliyevin adını daşıyan zirvəyə qalxıb.
Bu barədə o, sosial media hesabında məlumat verib. Qazimiz ulu öndər Həydər Əliyevin 100 illik yubileyi münasibətilə zirvəyə qalxdığını bildirib.
“Ulu öndər Heydər Əliyevin 100 illiyi münasibətilə onun adına olan zirvəyə qalxmaq şərəfinə nail olduğuma görə Vətənimə, Millətimə və Ali Baş Komandanıma sonsuz minnətdaram! Dahi Heydər Əliyev zirvəsindən bütün qazilər adından üzümü həm azərbaycanlılara, həm də dünyaya tutub deyirəm ki, Ali Baş Komandanın bir əmri ilə mən və mənim kimi minlərlə oğullar nəinki vücudumuzun bir hissəsindən, canımızdan keçərək bütün zirvələri qət etməyə hazırıq”, – deyə Polad Rzayev vurğulayıb.
![icon](/images/loading.png)