Azad edilən ərazilərlə bağlı yeni qərar
İşğaldan azad edilmiş ərazilərdə sosial-iqtisadi, humanitar, təşkilati və digər məsələlərin mərkəzləşdirilmiş qaydada həlli ilə bağlı yaradılmış Əlaqələndirmə Qərargahının nəzdində fəaliyyət göstərən İdarələrarası Mərkəzin Ekoloji məsələlər üzrə işçi qrupunun Laçında iclası keçirilib.
Qrup üzvləri və dəvət olunan digər qurumların da iştirak etdiyi iclasda Laçın şəhərində aparılan içməli və tullantı su sistemlərinin yenidən qurulması işləri, Qarabağda kəhrizlərin bərpası və su ehtiyatlarının idarə olunmasında onlardan istifadə perspektivləri müzakirə edilib.
Eyni zamanda işğaldan azad edilmiş ərazilərdə aparılan kosmik tədqiqatlar, tikinti-söküntü tullantılarından təkrar xammal materialı kimi istifadə perspektivləri, yol-infrastruktur layihələrinin icrası zamanı ətraf mühitə minimum təsirə nail olunması məsələləri ətrafında da fikir mübadiləsi aparılıb.
Eləcə də Laçın şəhərində yaşıllıqların mühafizəsi və bərpası perspektivləri, yol tikintisi işlərində tələb olunan xammal təminatı, həmçinin işğaldan azad edilmiş ərazilərdə həyata keçirilən tikinti-quruculuq işləri ilə bağlı daxil olan müraciətlər, faydalı qazıntı yataqlarından səmərəli istifadənin təşkili, o cümlədən Laçın rayonunun çayları və onların hidroenerji potensialından istifadə, həmçinin istismara verilmiş və icrası davam edən kiçik su elektrik stansiyaları barədə məlumat verilib, layihələrin ekoloji qiymətləndirilməsi aparılıb.
#Qarabağ teqi istifadə olunub
- Prezident irimiqyaslı layihələrin açılışında | Mirzoyan və Rubio görüşüblər - YENİ BİR SƏHƏR
- İş yerləri ilə bağlı heç bir problem olmayacaq | İlham Əliyev - Baku TV
- İlham Əliyev Tərtər və Ağdərə rayonlarına səfər edib - Baku TV
- "Tərtərçay" sağ sahil suvarma kanalı yenidən qurulacaq - Baku TV
- Ermənistan bizə qarşı su terroru da həyata keçirirdi | İlham Əliyev - Baku TV
