AZAL Naxçıvan sərnişinlərinə müraciət etdi

Ötən gündən etibarən ölkə ərazisində hökm sürən əlverişsiz hava şəraiti Bakı-Naxçıvan istiqamətində uçuşların fəaliyyətinə də təsir göstərib.

AZAL-dan verilən məlumata görə, təhlükəsizliyin və sərnişinlərə ən yaxşı xidmətin təmin edilməsi istəyini nəzərə alaraq, sərnişinlərin daşınması növbəli şəkildə həyata keçiriləcək.

Hazırda iki reysin uçuşu gecikir. 51 sərnişin hoteldə yerləşdirilib, qalanları isə evlərinə getməyə üstünlük verib. Gecə və səhər saatlarında Naxçıvana artıq bir neçə reys həyata keçirilib, digər reyslər cədvələ uyğun olaraq reallaşdırılacaq.

AZAL Naxçıvanda əlverişsiz hava şəraiti səbəbindən uçuşları gecikmiş sərnişinləri bu vəziyyətlə əlaqədar anlayış göstərməyə və səbirli olmağa çağırır.