Azərbaycandakı gizli qumar dünyası necə işləyir? | Oyun mafiyasının iç üzü
Sosial media platformalarında yayılan gizli kanallar, xüsusilə də “Telegram” üzərindən fəaliyyət göstərən onlayn kazinolara maraq geniş yayılıb.
Sadə bir link, qısa bir mesaj və vəd olunan sürətli qazanc sonda böyük maddi itkilər, psixoloji sarsıntılar və hüquqi problemlərə səbəb olur. Bu kanalların əksəriyyəti heç bir rəsmi qeydiyyatdan keçmədən, nəzarətsiz şəkildə fəaliyyət göstərir. Reallıq isə budur ki, bu sistem hər gün daha çox insanı tələyə salır.
İT mütəxəssis Elvin Abbasov bildirib ki, bu tip saytlara bank kartlarını əlavə etmək çox təhlükəlidir:
“Vətəndaşlar bilməlidirlər ki, istər anlıq mesajlaşmaq proqramı, istərsə də birbaşa saytlar üzərindən kazino fəaliyyətlərində iştirakçı olurlarsa, bu o deməkdir ki, onların kart məlumatları artıq orada var. Nəticədə, vətəndaşlar dələduzluğa məruz qala bilərlər”.
Daxili İşlər Nazirliyindən isə qeyd edilib ki, daxil olmuş məlumatlar əsasında polis əməkdaşları tərəfindən həmin şəxslərin qanunsuz hərəkətlərinin qarşısının alınması istiqamətində müvafiq tədbirlərin görülməsi təmin olunur:
“Bir daha vətəndaşlara qanunsuz qumar oyunları adı altında sosial şəbəkələrdə təşkil edilən oyunlarda iştirak etməməyi tövsiyə edirik”.
#Sosial şəbəkələr teqi istifadə olunub
- Sosial şəbəkələr üçün yeni dövr: cərimə, həbs, nəzarət | AKTUAL GÜNDƏM
- Açıq-saçıq reklam çəkdirənlər cəzalanacaq | Sosial şəbəkələrdə davranış qaydaları sərtləşdirildi
- Sosial şəbəkələrdə saxta kredit kampaniyası quran şəxs saxlanıldı
- Bu görüntüləri yaymaq cinayətdir | "Vergiçilər" və şantajçıların ifşası | Məmurlara mesaj - XÜLASƏ
- Sosial şəbəkədəki pişiklə bağlı bu görüntülər sakinləri özündən çıxardı
