Azərbaycanın ilk və yeganə kosmik agentliyinin yaranmasından 15 il ötür - Baku TV

Azərbaycanda kosmik ekosistemin inkişafının aparıcı qüvvəsi olan “Azərkosmos” kimi tanıdığımız Kosmik Agentliyin geridə qoyduğu 15 illik fəaliyyəti nələrlə yadda qaldı?

2010-cu ildə isə regionda ilk və yeganə peyk operatoru olan “Azərkosmos”un təsis edilməsi ilə Kosmik Diplomatiyamızın əsası qoyuldu. “Azərkosmos” yerli və xarici bazarda etibarlı və uğurlu tərəfdaş kimi özünü tanıtmağa və layiqli mövqeyini tutmağa başladı.

Xüsusilə “Azersky”ın təsvirləri 44 günlük Vətən müharibəsində istifadə edilməklə yanaşı, müharibədən sonrakı dövrdə azad olunmuş ərazilərin bərpası, o cümlədən Qarabağın iqtisadi və kənd təsərrüfatı potensialının qiymətləndirilməsi üçün geniş şəkildə istifadə olunmaqda davam edir. Sevindirici haldır ki, Agentliyin əməkdaşlarının demək olar ki, hamısı yerli kadrlardır.

2024-cü idə Kosmik Agentliyinin nəzdində yaradılan KOSMİK Akademiya isə regionda alternativi olmayan bir platformadır və Mərkəzi Asiya daxil olmaqla region ölkələri üçün kosmik qovşaq rolunu oynayır.

Akademiya məktəblər, universitetlər və sənaye obyektləri arasında əməkdaşlığı gücləndirməklə kosmik elm və təhsil sahəsinin inkişafına töhfə verir. Təkcə 2025-ci il ərzidə KOSMİK Akademiya proqramlarının məzun sayı 12 000 nəfəri ötüb.

Bu gün Azərbaycan böyük dövlətlərlə kosmik sahədə də rəqabət apara bilir. Agentliyin əsas hədəfi isə dəyişməz olaraq qalır: beynəlxalq platformalarda nüfuzumuzu daha da gücləndirmək.