Azyaşlının törətdiyi cinayətə görə günahkar kimdir? - "Uşaq elə filmlərə baxmamalıdır" - Baku TV
Son günlər Türkiyədə baş verən hadisə ölkəmizdə də ictimai müzakirələrə səbəb olub. Xüsusilə azyaşlının törətdiyi ağır cinayətdən sonra valideynlərin məsuliyyətə cəlb olunması məsələsi suallar doğurur.
Xatırladaq ki, ölkəmizdə də məktəblərdə zaman-zaman şagirdlər arasında baş verən arzuolunmaz hadisələr, zorakılıq, aqressiya və təhlükəli davranışlar valideyn nəzarətinin rolu ilə bağlı müzakirələri artırır.
Vətəndaşların bir çoxu yetkinlik yaşına çatmayanların törətdiyi əməllərə görə valideynlərin də qanun qarşısında məsuliyyət daşımalı olduğunu düşünür.
Baku TV mövzu ilə bağlı paytaxt sakinlərinin fikirlərini öyrənib.
“Nəvəmi məktəbə yola salmağa qorxuram. Deyirəm ki, bu gün bir hadisə baş verə bilər”, – sakinlərdən biri bildirib.
“Uşaqlar internetdə müxtəlif filmlərə baxırlar. Valideynlər nəzarət etməlidir ki, uşaqlar belə məzmunlara həddindən artıq məruz qalmasın. Həmçinin ailədaxili münaqişələr də onların aqressiv davranışına təsir edir”, – başqa bir sakin qeyd edib.
Bəs Azərbaycanın qanunvericiliyində bu barədə nə deyilir?
Hüquqşünas Mircavid Miriyevin sözlərinə görə, yetkinlik yaşına çatmayan şəxslər cinayət törətdikdə onlara cəza təyin edilə və ya tərbiyəvi xarakterli məcburi tədbirlər tətbiq oluna bilər:
“Valideynlər isə uşaqlarının vurduğu ziyana görə maddi məsuliyyət daşıyırlar. Yalnız valideynlər yetkinlik yaşına çatmayan şəxsi cinayətə cəlb etdikləri halda cinayət məsuliyyəti daşıyırlar”.
#Azyaşlılar teqi istifadə olunub
- Onlar təhlükədir, yoxsa gələcəyimiz? | Azyaşlı cinayətkarların gizli psixologiyası - Baku TV
- Baş nazir Pedro Sançes yeni qanundan danışdı
- Azyaşlılarla bağlı şok görüntülər yayan şəxslər ifşa olundu
- Azyaşlılarla bağlı ciddi xəbərdarlıq | Belə “əyləncə” faciə ilə nəticələnə bilər!
- Hansı içkilərin tərkibində kofein var? | Valideynlərin diqqətinə
