O qiymətə təmiz bal ola bilməz! - Arıxanalardakı bolluğun səbəbi nədir?

Yay mövsümündə havanın yağıntılı və rütubətli keçməsi şimal bölgəsində bir çox sahələrə mənfi təsir etsə də, arıçılığa müsbət təsir göstərib.

Belə ki, bu il arıxanalarda bol məhsul əldə olunub. Hazırda arıçılar bal süzümü həyata keçirirlər.

Süzüm vaxtına qədər arı ailələri təbiətdən yaxşı nektar toplaya bilib. Bal süzümü aparan arıçılar deyirlər ki, ötən ildən fərqli olaraq bu il məhsuldarlıq iki, hətta üç dəfəyədək artıb.

“Balın kilosunun qiyməti 40-50 manat arasında dəyişir. Təmiz bal üçün bu qiymət baha sayılmır. Saxta bal satanlar satışımıza mene olurlar. 15-20 manata təmiz bal ola bilməz”, – deyə arıçı Zəfər Əzizov söyləyib.