Baş prokurordan Binəqədidəki partlayışla bağlı açıqlama

“Binəqədidə mebel sexində baş verən partlayışla bağlı zəruri istintaq hərəkətləri davam edir”.

Bunu Baş prokuror Kamran Əliyev deyib.

Onun sözlərinə görə, hadisə zamanı xəsarət alan şəxslərin müalicəsi davam edir. Eyni zamanda ekspertizalar təyin edilib, dəlil və sübutlar toplanıb.

K.Əliyev qeyd edib ki, partlayışla bağlı bir neçə versiya var, həmin versiyalar araşdırılır: “Son nəticələr olan kimi təqsirli şəxslərin müəyyən edilib, məsuliyyətə cəlb edilməsi təmin ediləcək”.