Batareyanı tam boşaltmaq və tam doldurmaq olmaz? | Mühüm məlumatlar

Hazırda ənənəvi maşınların elektromobillərlə əvəzlənməsi sürətlənib.

Bəs elektromobillərin hansı üstünlükləri var?

Onlar ekoloji təmizdir, istismar xərcləri azdır və daha az xidmət tələb edir. Bununla belə, bu o demək deyil ki, elektromobillər qayğı və diqqətə ehtiyac duymur.

Elektromobillər benzin analoqları kimi yağ dəyişdirməyi tələb etməsə də, onlar hələ də müntəzəm xidmətə ehtiyac duyurlar. Elektromobillər rekuperasiyadan istifadə etdiyindən əyləclər daha yavaş aşınır.

Lakin burada bir maraqlı məqam var. Mütəxəssislərin sözlərinə görə, daha az istifadə intensivliyi səbəbindən əyləc mexanizmlərində ərp və çirk yığıla bilər. Bu isə əyləcləmə effektivliyinə mənfi təsir göstərir və diskin sürtünmə səthinə, əyləc qəliblərinin bərkidilməsinə, porşenə və istiqamətləndirici barmaqlara təsir edir. Buna görə də onları yenə də yoxlamaq lazımdır.

Elektromobillərin də vaxtaşırı nəzarət tələb edən soyutma sistemi var.

Batareya isə elektromobilin həyati vacib elementidir və yaxşı vəziyyətdə saxlanılmalıdır. İstehsalçılar batareyaları sıfıra qədər boşaltmamağı, 100 %-ə qədər doldurmamağı və yüksək voltajlı sürətli "doldurma" stansiyalarından tez-tez istifadə etməməyi tövsiyə edirlər. Bütün bunlar batareyanın ömrünə təsir edir.

Nəhayət, daxili yanma mühərrikli avtomobil sahibləri kimi, elektromobil sürücüləri də şinlərin yeyilməsinə nəzarət etməli, salon filtrini və şüşə silən fırçalarını dəyişdirməli, şüşə yuyan mayeni əlavə etməli və hər beş-yeddi ildən bir 12 voltluq batareyanı dəyişdirməlidirlər. Əgər o boşalarsa, maşın, ümumiyyətlə, işə düşməyəcək.