Beyin və böyrək qanaxmasına səbəb olan dərmanlar | Nə etməliyik?

Qandurulducu dərmanların nəzarətsiz istifadəsi ölüm riskini artıra bilər.

Yüksək riskli insanlara profilaktik olaraq tətbiq edilən qandurulducu müalicələr trombozun qarşısını almaq məqsədi daşıyır.

Qandurulducu dərmanlar fərqli təsir mexanizmlərinə malikdir və hər bir xəstə üçün fərdi seçim vacibdir. Bir xəstə iki müxtəlif qandurulducu dərmanı birlikdə istifadə etdikdə ciddi beyin və böyrək qanaxması baş verə bilər.

Bu cür xoşagəlməz halın yaşanmaması üçün hansı şəxsə, hansı növ və müddətdə qandurulducu dərmanın istifadə olunacağına yalnız həkim qərar verməlidir. Özbaşına belə dərmanların qəbulu təhlükəlidir.

Damar tıxanmasının qarşısını almaqda fiziki aktivlik mühüm rol oynayır. Hər gün ən azı 5-6 min addım atmaq və oturaq işlərdə çalışanların hər iki saatda bir neçə dəqiqə hərəkət etməsi qan dövranını yaxşılaşdırmağa kömək edir.

Piylənmə, siqaret çəkmə və qeyri-sağlam qidalanma kimi risk faktorlarının aradan qaldırılması zəruridir.