Beyləqanda şəhidlərin xatirəsinə hörmətsizlik

1-ci Qarabağ müharibəsində canından keçənlər arasında bu günədək kimlikləri müəyyən edilməyənlər var. Həmin şəhidlərdən 25-i Beyləqanda dəfn olunub.

Lakin nədənsə bu qəhrəmanların qəbirləri gözdən uzaq, könüldən iraq qalıb. Belə ki, 30 ildən çoxdur ki, şəhid qəbirlərinin məzarlarının üstü götürülməyib. Vətəndaşlar isə bu laqeydlikdən şikayətlənirlər.

Sakinlərin sözlərinə görə, icra hakimiyyətinə dəfələrlə müraciət olunsa da, heç bir nəticəsi olmayıb.

Məsələ ilə bağlı Beyləqan Rayon İcra Hakimiyyətindən bildirilib ki, şəhidlərin kimliyinin müəyyənləşməsi üçün DNT analizlərinin nəticələri gözlənilir. Cavablar bəlli olduqdan sonra müvafiq işlər görüləcək.