Cəmiyyət
Pleyeri seçin:
Bəzi yerlərdə rentgen müayinəsi dayandırılıb
FHN bir sıra tibb müəssisələrinin rentgen müayinə fəaliyyətini dayandırıb.
Qurumdan verilən məlumata görə, Bakı şəhərində yerləşən 5 və 39 nömrəli şəhər poliklinikalarında, 1 və 2 nömrəli Uşaq Stomatoloji poliklinikalarında, 1 nömrəli Tələbə Poliklinikasında və Müharibə Veteranları Respublika Xəstəxanasında radiasiya təhlükəsizliyi tələblərinə riayət edilmədən və “xüsusi icazə”si olmadan rentgen kabinetlərinin fəaliyyət göstərdiyi müəyyən edilib.
Fövqəladə Hallar Nazirliyinin Nüvə və Radioloji Fəaliyyətin Tənzimlənməsi üzrə Dövlət Agentliyi həmin tibb müəssisələrinin rentgen kabinetlərinin fəaliyyətini dayandırıb.
Qeyd olunanları nəzərə alaraq, Fövqəladə Hallar Nazirliyi bir daha əhaliyə müraciət edərək, təhlükəsizliyin təmin edilməsi məqsədilə rentgen və kompüter-tomoqrafiya müayinələri üçün yalnız “xüsusi icazə” əsasında fəaliyyət göstərən tibb müəssisələrinə müraciət olunmasını tövsiyə edir.
Kopyalandı
Seçilmişlər
