Blogerlər dolğularını əridir | Sakinlər “ideal gözəllik” yaratmaq istəyən qadınları qınadı

Son illərin tendensiyası göstərir ki, “ideal gözəllik” axtarışında olanlar dolğun yanaq sümükləri, kəskin çənə xətti, iri və simmetrik dodaqlar üçün müxtəlif kosmetoloji prosedurlara üz tuturlar.

Amma son günlər bir çox bloger öz fikrini dəyişib. Əvvəlcə, Türkiyədə Danla Biliç. Deyilənə görə, izləyiciləri ilə dolğusuna görə bədənində infeksiya yayıldığını və buna görə müalicə aldığını paylaşıb.

Bu xəbərdən sonra Azərbaycanda 3 blogerin də estetik dolğularını əritdikləri iddia olunur.

Mövzu ilə bağlı Baku TV paytaxt sakinlərinin fikirlərini öyrənməyə çalışıb. Maraqlıdır, tanınmışların bu qərarına onlar dəstək çıxırlarmı?

“Artıq başa düşürlər ki, heç bir estetik prosedur insanın təbii gözəlliyindən üstün ola bilməz”, ‒ deyə sakinlərdən biri bildirib.

Başqa bir sakin isə belə deyib: “Estetik əməliyyat etdirməsinlər, çünki hamı bir-birinə bənzəməyə başlayıb”.