Bu qidalardan və vərdişlərdən uzaq durun, yoxsa… | Onkoloqdan təcili açıqlama

Mədə xərçənginə səbəb olan qidaların adları açıqlanıb.

Onkoloq cərrah Pavel Nikolayeviç Blednıxın sözlərinə görə, duz, nişasta, nitrat və konservantlarla zəngin pəhriz, eləcə də çox hisə verilmiş, turşu və duzlu qidalar mədə xərçənginin inkişafına təkan verən məhsullardır.

O bildirib ki, siqaret çəkmək mədə xərçənginə tutulma riskini 2 dəfə artırır. Gündəlik çəkilən siqaretlərin sayı nə qədər çox olarsa, təhlükə də bir o qədər yüksəkdir.

“Helicobacter pylori” infeksiyası ‒ bu bakteriya mədə mukozasının xroniki iltihabının inkişafı ilə əlaqələndirilir. O eroziya və xoraların yaranmasına səbəb olur ki, bu da mədə xərçənginin inkişaf riskini əhəmiyyətli dərəcədə artırır.

Müntəzəm olaraq spirtli içki qəbul edən insanların mədə xərçənginə tutulma riski isə içməyənlərə nisbətən təxminən 1,5 dəfə yüksəkdir.

Həkim sonda əlavə edib ki, yaxın qohumlarında mədə xərçəngi diaqnozunun olması insanlarda xəstəliyin aşkarlanması riskini 20% artırır.