Bu xəstəlikdən həyatını itirən qadınların sayı sürətlə artır

Beynəlxalq Xərçəng Araşdırmaları Agentliyindən bildirib ki, hazırda dünyada hər dəqiqə dörd qadına döş xərçəngi diaqnozu qoyulur və hər dəqiqə bir qadın bu xəstəlikdən həyatını itirir.

2050-ci ilə qədər döş xərçəngi diaqnozu və ölüm hallarında ciddi artım gözlənilir. Təhlillər göstərir ki, qarşıdakı 25 il ərzində hər 20 qadından biri bu xəstəliklə üzləşə bilər.

Proqnozlara əsasən, 2050-ci ildə dünyada hər il 3,2 milyon yeni yoluxma və 1,1 milyon ölüm baş verəcək. Məsələn, Böyük Britaniyada illik diaqnoz halları 2022-ci ildəki 58 756-dan 71 006-ya yüksələcək, ölüm halları isə 12 122-dən 17 261-ə çatacaq.

Araşdırmalar sübut edir ki, döş xərçəngi hallarının dörddə birinə qədərinin qarşısını almaq mümkündür. Alkoqol istifadəsinin azaldılması, sağlam çəkinin qorunması və fiziki aktiv həyat tərzi bu riski əhəmiyyətli dərəcədə azalda bilər.

Ən yüksək diaqnoz göstəriciləri Avstraliya, Yeni Zelandiya, Şimali Amerika və Şimali Avropada qeydə alınır. Buna qarşılıq Asiya və Afrikada diaqnoz halları nisbətən azdır.