Corc Qafarovun işdən çıxarılma səbəbi | Onu sevgi ilə qarşıladıq, amma ilk gündən…

Mətbuatda yayılan xəbərə görə, Akademik Milli Dram Teatrının bədii rəhbəri Mehriban Ələkbərzadə aktyor Corc Qafarovu ona həvalə olunan roldan imtina etdiyi üçün işdən çıxarıb.

Azxeber.com-a açıqlama verən Corc Qafarov deyilənlərin həqiqəti əks etdirmədiyini bildirib.

Aktyor verdiyi açıqlamada “Xəbər doğrudur, sadəcə səbəb o deyil. Mən Rusiyada çəkilişlərdə olanda bu xanım teatra yeni bədii rəhbər olaraq gəldi. Çox sevindik, onu sevgi ilə qarşıladıq ki, bu xanım gözəl tamaşalar quracaq. İlk gündən də hər kəslə kobud davranırdı. Mənə bir rol verdi, bu da “Manqurt” rolu idi. Məşqlərdə rolu sevməyərək oynayırdım. Çünki eyni rolu başqa zaman da oynamışdım və çox da sevirdim.

Bir gün məşqdə dedim ki, burada oturan bütün böyüklərdən üzr istəyərək Mehriban xanıma bir söz demək istəyirəm. Hamı da məni izləyirdi. Dedim yəqin ki, siz də hiss edirsiniz ki, mən bu rolu istəməyərək ifa edirəm, özümü məcbur hiss edirəm”, – deyə bidirib.

Aktyor öz istəyi ilə işdən çıxdığını təsdiqləyib: “O məni təhqir edərək çox pis ifadələr işlətdi və sonda dedi ki, “Oynamırsansa get ərizəni yaz, teatrdan çıx”. Təbii ki, bunu problem etmədim və rəhbərliyin yanına gedərək ərizəmi yazıb, könüllü şəkildə işdən çıxdım. Çünki Mehriban Ələkbərzadənin məni işdən azad etmək səlahiyyəti yoxdur, bu, rəhbərin işidir”.