COVID-19-dan sonrakı təhlükə | Elm adamları həyəcan təbili çaldı

Virus geri çəkilib, lakin getməyib. Çünki COVID-19 yoluxanlar sağaldıqdan sonra da immunitet sistemini məhv edir.

Sent-Luis Universitetindəki amerikalı alimlərin hesbatı belə deməyə əsas verir. Elm adamları koronavirusdan sağalanların soyuqdəymədən tutmuş daha ağır virus və bakterial xəstəliklərə qədər digər infeksiyalara qarşı əhəmiyyətli dərəcədə həssas olduğunu aşkar ediblər.

Genişmiqyaslı təhlilin bir hissəsi olaraq ekspertlər 200 mindən çox koronavirusa yoluxmuş və infeksiyadan yayınan 600 mindən çox insanın tibbi məlumatlarını müqayisə ediblər.

Fərq heyrətamiz olub. Xəstəlikdən sonrakı ildə keçmiş xəstələrdə tənəffüs, bakterial, göbələk və pnevmoniya daxil olmaqla müxtəlif infeksiyalardan əziyyət çəkmə ehtimalı daha yüksək olub.

Xüsusilə narahatedici məqam infeksiyaların nəinki tez-tez baş verməsi, həm də daha ağır olmasıdır. Soyuqdəymə və öskürək daha şiddətli olur və daha uzun müddət davam edir.

Alimlər indi virusun uzun müddətdə orqanizmə necə təsir göstərdiyini dəqiq müəyyən etmək üçün araşdırmalarını davam etdirməyi planlaşdırırlar.