Çox yediyimiz bu qidalarla bağlı bilinməyən məlumatlar

Orqanizmdə köp kimi narahatedici həzm problemlərindən xilas olmaq üçün bəzi gündəlik qidaları rasiondan çıxarmaq kifayətdir.

Belə vəziyyətə əsas səbəb karbohidratların, xüsusilə də qlükoza, fruktoza və saxarozanın həddindən artıq fermentasiyasıdır.

Bu barədə ispaniyalı həkim Fransisko Rosero xəbərdarlıq edib.

Onun sözlərinə görə, bu şəkər tərkibli maddələr düzgün həzm olunmadıqda yoğun bağırsağa qədər gəlib çatır və burada bakteriyalar üçün qida mənbəyinə çevrilir. Nəticədə, köp kimi simptomlar yaranır.

Çörək və un məmulatları da qaz yaranmasının əsas səbəblərindən biridir. Bundan əlavə, təkcə şirniyyatlarda deyil, sənaye çörəklərində, içkilərdə və hətta "sağlam" hesab edilən məhsullarda, məsələn, müsli kimi qidalarda da əlavə şəkər mövcuddur və bu da vəziyyəti ağırlaşdıra bilər.

F.Rosero fruktoza mənimsənilməsindəki pozuntulara da diqqət çəkib. O bildirib ki, orqanizm süd şəkərini parçalaya bilmir, nəticədə, fermentasiya baş verir və köp yaranır. Buna görə də belə hallarda inək südündən imtina etmək tövsiyə olunur.