Deyirlər ki, öz cibinizdən pul verin... | Vətəndaşın evinin altında su borusu partladı
Nərimanov rayonu, İslam Abışov küçəsində borunun partlaması nəticəsində vətəndaşın evini su basıb.
Zərərçəkən şəxs problem ilə bağlı aidiyyəti qurumlara şikayət etsə də, hələ ki onun müraciətləri nəticəsiz qalıb.
Məsələnin ən acınacaqlı tərəfi isə içməli suyun 3 gündür ki, kanalizasiyaya axmasıdır.
Vətəndaş bildirib ki, su borusunun partlaması nəticəsində mənzilin zirzəmisində gölməçə yaranıb, nəticədə ev rütubətlənib.
“Azərsu”ya zəng edirik, adam göndərir. Gəlib baxıb deyirlər ki, biz bunu düzəldə bilmərik, bizlik deyil. Sonra bildirirlər ki, öz cibinizdən pul verib düzəldin. Bir tədbir görmürlər, hara zəng edirik, xeyri yoxdur. Ev çöküb, divarlar yaşdır, zirzəmi bataqlıq olub. Uşaq gecə yata bilmir, deyir ki, soyuqdur”, – şikayətçi söyləyib.
Məsələ ilə bağlı İri Şəhərlərin Birləşmiş Su Təchizatı Xidmətindən bildirilib ki, qeyd olunan ünvandakı yaşayış evi su xəttinin üzərində inşa olunub. Ev sahibinə məlumat verilib ki, su xəttinin bərpası üçün mənzilin içində qazıntı işləri aparılmalı və bununla bağlı Sukanal İdarəsinə müraciət edilməlidir.
Vətəndaş isə qeyd edib ki, yaşayış evində qazıntı işlərinin aparılması istiqamətində müraciət etməyəcək.
#Nərimanov rayonu teqi istifadə olunub
- MTK nümayəndəsi niyə özündən çıxdı? | Nərimanovda binanın həyətini zəbt etdilər - Baku TV
- “Bu yola baxanlar kimdirsə...” | Sürücülər təhlükəli vəziyyətdən danışdı - Baku TV
- Sakinlər tikinti şirkətindən şikayətləndi | MTK məsələ ilə bağlı açıqlama verdi - Baku TV
- “Niyə məktəbin önündə parkinq olmalıdır ki?!” | Müəllimlər “AzParking”dən şikayətləndi - Baku TV
- Nərimanovdakı səki piyadalar üçün keçilməz oldu | Sakinlər şikayət edir - Baku TV
