DİN-dən sosial şəbəkə istifadəçilərinə xəbərdarlıq

"Cari ilin 3 ayında valideyn nəzarətindən, ictimai təsir vasitələrindən, habelə pedaqoji mühitdən kənarda qalan, eləcə də müxtəlif qanun pozuntularına görə polis mərkəzlərinə 1513, o cümlədən avaralıq və dilənçiliklə məşğul olan 93 azyaşlı gətirilib, hər biri barəsində qanunvericiliyə və normativ hüquqi aktlara uyğun tədbir görülüb”.

Bunu daxili işlər nazirinin müavini polis general-leytenant Oqtay Kərimov deyib.

“2024-cü ilin 3 ayı ərzində uşaqların təlim-tərbiyəsi vəzifəsini yerinə yetirməyən valideyn və ya onları əvəz edən 78, yetkinlik yaşına çatmayan şəxslərə spirtli içki və ya tütün məmulatları satan 341, yetkinlik yaşına çatmayan şəxsləri avaralığa cəlb edən 22 şəxs məsuliyyətə cəlb olunmuşdur”, – deputat qeyd edib.

O bildirib ki, cari ilin son 3 ayında yetkinlik yaşına çatmayanlarla bağlı 18 intihara cəhd qeydə alınıb, onlardan 15-i ölümlə nəticələnib.