DİN sosial şəbəkə istifadəçilərinə çağırış etdi

Kiberdələduzların yeni tələsinə düşməyin! Baku TV-nin təqdim etdiyi reportajda Daxili İşlər Nazirliyinin (DİN) sosial şəbəkə istifadəçilərinə ünvanladığı növbəti təcili çağırış yer alıb. Nazirlik vətəndaşları son günlər geniş yayılan "Profilimə kim baxdı?", "Gizli hesabları gör" və ya "Yazışmaları oxu" kimi vədlər verən saxta proqram və linklərdən uzaq durmağa səsləyir. Bildirilib ki, bu növ şirnikləndirici təkliflərin əsas məqsədi istifadəçilərin bank kartı məlumatlarını və şəxsi profillərini ələ keçirməkdir. Proqramda həmçinin TikTok və digər platformalarda qeyri-etik davranışlar və milli-mənəvi dəyərlərin təhqir olunmasına qarşı polisin gördüyü tədbirlər barədə məlumat verilir. Onlayn təhlükəsizliyinizi necə qorumalı və şübhəli hallarda hara müraciət etməli? Cavablar Baku TV-nin süjetində.