Dövlət vətəndaşının yanındadır

Azərbaycanda sosial təminat sisteminin gücləndirilməsi, pensiyaçıların sosial vəziyyətinin daha da yaxşılaşdırılması 2023-cü il üçün də prioritet olaraq qalmaqdadır. Dünyanın böhran və yeni inflyasiya dalğasında olduğu bir vaxtda ölkəmizdə son 5 ildə 4-cü sosial islahat paketinin icrasına başlanılması dövlətin öz vətəndaşına qayğısının növbəti göstəricisidir.

Bu illər ərzində həyata keçirilən sosial islahatlar nəticəsində 1,1 milyon vətəndaşı əhatə edən pensiya təminatı sahəsində də ciddi irəliləyiş əldə olunub. Belə ki, icra edilən sosial islahatların hər birində minimum pensiya artımı təmin edilib. Bununla da minimum pensiya bu ilin fevral ayının 1-dən 240 manatdan 280 manata çatdırılıb.

Beləliklə, minimum pensiya 2023-cü il üzrə pensiyaçılar üçün müəyyən edilmiş yaşayış minimumunu, yəni 199 manatı 81 manat və ya 40,7 faiz üstələyir.