Dövlət Yol Polis İdarəsi sürücülərə çağırış etdi

Kimisi törətdiyi qanunsuzluğa bəraət qazandırır, kimisi də sosial şəbəkələrdə fenomenlik uğrunda canı ilə mübarizə aparır.

Avtomobil idarə edərkən sürücülərin telefonla danışıb-mesajlaşmağı və ya sosial şəbəkələrdə özlərini “qəhrəman” sayanların təhlükəli vəziyyətdə avtomobil idarə etmələri onları həyatla ölüm arasında qoysa da, bunu heç düşünmək belə istəmirlər. Əsas odur ki, bəyənmə sayı çox olsun.

Qayda pozduqları az deyilmiş kimi, bunu ictimailəşdirib başqalarına da pis nümunə olan şəxslərlə bağlı qanun nə deyir?

Baş Dövlət Yol Polisi idarəsindən bildirildi ki, təhlükəli vəziyyətdə avotmobil idarə edib mediyada paylaşanlar polis əməkdaşları tərəfindən izlənilir və sürücü barəsində məsuliyyət yaranır.