Cəmiyyət
Pleyeri seçin:
Düşünürdüm ki, ayaqlarım yoxdur... | "20 Yanvar"da baş verən terrorun şahidi danışdı
“Qatar dayananda “20 Yanvar” deməyə macal olmadı, partladı. Mən özüm birinci vaqonun sonuncu qapısında olmuşam. Sonradan baxıb gördüm ki, düz onun arxasında 6 nəfərlik yerə bombanı qoyublarmış. Həmin yerlə aramda heç 2 metr məsafə yox imiş, öyrənəndə dəhşətə gəldim”.
Bunu Baku TV-yə açıqlamasında “20 Yanvar” stansiyasında 1994-cü il martın 19-da ermənilər tərəfindən törədilən terror aktının şahidi Səbuhi Rəhimli deyib.
“Birinci vaqonla ikincinin arası tamamilə açılmış, şüşələr qırılmışdı. Hər yer toz-duman idi. Qaşım çapılmışdı, üzümdən qan axırdı. Düşündüm ki, ayaqlarım yoxdur, sonra toxunanda gördüm ki, yerindədir. Belə hadisələr həyatı daha dərindən öyrənmək, həyatla ölüm arasında sərhəd olmadığını bilmək üçündür. Ümid edirəm, bir də belə müsibətlər, terrorlar xalqımızın başına gəlməz”, – deyə o bildirib.
Kopyalandı
Seçilmişlər
