Əfv Komissiyasının üzvündən vacib məlumat

“Azərbaycan Respublikasının Prezidenti yanında Əfv Məsələləri Komissiyası artıq öz işini yekunlaşdırıb. Komissiyanın ümumilikdə 6 iclası keçirilib. Bu iclaslarda 700-dən artıq müraciətə baxılaraq müvafiq rəylərin hazırlanması barədə qərar qəbul edilib”.

Bu sözləri Baku TV-yə açıqlamasında Əfv Məsələləri Komissiyasının üzvü Əliməmməd Nuriyev deyib.

“Əfv sərəncamı 28 May – Müstəqillik Günü ərəfəsində ola bilər. Amma yenə də bu tarixin müəyyən edilməsi cənab Prezidentin müstəsna konstitusion səlahiyyətidir”, – deyə Ə.Nuriyev əlavə edib.