Elm və təhsil naziri ekoloji savadlılıqla bağlı görüləcək işlərdən danışdı

“Ekoloji savadlılığın artırılması istiqamətində işlər görülür və məqsədimiz onun yalnız milli gündəm səviyyəsində qalmaması, həm də qlobal səviyyəyə qədər genişlənməsidir”.

Bunu elm və təhsil naziri Emin Əmrullayev COP29 çərçivəsində keçirilən mətbuat konfransında deyib.

“Bu mövzuda PISA UNESCO-nun dəstəyi ilə bir hesabat hazırlanıb və ətraf mühitlə bağlı ekoloji savadlılığın qiymətləndirilməsi təklif olunub. Hesabatda müxtəlif ölçmə alətləri nəzərdə tutulur, fizika, riyaziyyat və digər sahələr üzrə qiymətləndirmə alətləri hazırlanıb. Bunun gələcək beş il ərzində həyata keçirilməsi planlaşdırılır.

2030-cu ilin dekabr ayına qədər davam edəcək və çox sayda ölkənin təşəbbüsə qoşulacağı gözlənilir. Hazırda geniş müzakirələr aparılır və yaxşı təcrübələr öyrənilir”, – deyə o qeyd edib.