“Ən müasir avadanlıqlardır, bunun sayəsində...” | Ağdam Sənaye Parkı - Baku TV

Ağdam Sənaye Parkı ölkənin ən iri sənaye zonalarından biri olmaqla yanaşı, regionun iqtisadi inkişafına mühüm töhfə verir.

Sənaye Parkında 31 müəssisə rezident, 5 müəssisə isə qeyri-rezident kimi fəaliyyət göstərir. İşə qəbul zamanı əsas üstünlük Ağdam və ətraf rayonlardan olan əhaliyə verilir ki, bu da bölgədə məşğulluğun artmasına mühüm təsir göstərir.

Burada istehsal olunan məhsullar həm daxili bazarda satılır, həm də ixrac olunur.

Şirkət əməkdaşı Nicat Əhmədov bildirib ki, zavod avtomatika və telemexanika sistemlərinin istehsalı ilə məşğuldur:

“Bu məhsullar sayəsində öz dəmiryol infrastrukturumuzu daha müasir standartlara cavab verən və daha təhlükəsiz edən bir sistem qururuq. Regionda belə bir müəssisə ilk dəfədir ki, dəmir yolu avadanlıqlarının istehsalı ilə məşğuldur. Bu həmçinin ölkəmizin iqtisadi tarixində ilk belə müəssisədir”.