Pleyeri seçin:
Əxlaq insanda olur, heyvanda isə... | Əxlaqlı insan niyə gec yetişir? - AMİN
“Amin” verilişinin yeni buraxılışı yayımlanıb.
Verilişin budəfəki sayında “Əxlaqlı insan kimdir” sualı ətrafında müzakirə aparılıb.
Fəlsəfə doktoru Vüqar Səmədov bildirib ki, əxlaq insanın cəmiyyətdə digərlərinə qarşı davranışlarında ortaya çıxan xüsusiyyətlərdir:
“Əxlaqlı insan eyni zamanda iradəsinə sahib çıxa biləndir. İradə ağıla uyğun olduğu zaman yaxşı, lakin ona müxalif olanda isə pis əxlaq olur. Ona görə də əxlaqın elminə sahib olmaqla iffətli olmaq arasında fərq var. İnsan bunun kitabını yazsa da, əxlaqsız ola bilər. Həmçinin əksi ilə də rastlaşa bilərik”.
Vüqar Səmədov vurğulayıb ki, əxlaq duyğuların cildə girmiş halıdır, yəni bu əsasən hisslərdə təzahür edir:
“Duyğuların da mərkəzi qəlbdir. İnsanın içində yaxşı ilə pisin mübarizəsi gedir. Nəfs qalib gələrsə, şəxs pis hesab olunur, yəni ancaq pisliklərdən həzz alır. Əxlaq norması sadəcə insana məxsusdur, heyvanlarda ola bilməz. Utanma duyğusunu ilk kəşf edən də elə bizlərik”.
Kopyalandı
Seçilmişlər
